Wyt ti’n cael dy fwlio? Deall y gwahaniaeth rhwng pryfocio a bwlio? Mae Megan wedi cysylltu â Coda’r Meic am gyngor.
Roedd Coda’r Meic yn gyfle i ofyn cyngor am unrhyw oedd yn dy boeni. Nid oedd y cyngor yn dod yn syth ac roedd yn cael ei ddefnyddio i greu blogiau dienw ar gyfer y wefan i helpu pobl ifanc eraill oedd yn mynd trwy brofiad tebyg. Nid ydym yn cynnig Coda’r Meic bellach. Os wyt ti angen gwybodaeth cyngor neu eiriolaeth, cysyllta â’r llinell gymorth am gefnogaeth ar y manylion ar waelod y dudalen.
Helo Meic,
Mae bachgen yn fy mwlio a dwi angen help. Dwi’n casáu’r peth a dwi ddim yn gwybod beth i’w wneud. 😞
Megan
Cyngor Meic
Helo Megan,
I gychwyn, mae’n ddrwg iawn gen i glywed bod hyn yn digwydd i ti ar hyn o bryd. Gall bwlio fod yn beth anodd iawn i berson ifanc ac mae’n gallu gwneud i ti deimlo’n ddrwg amdanat ti dy hun. Nid yw hyn yn iawn.
Bwlio neu dynnu coes?
Weithiau bydd pobl yn dweud rhywbeth sy’n dy frifo, ond efallai nad ydynt yn sylweddoli eu bod wedi gwneud hyn. Mae’n bwysig felly i ddweud wrthynt fod hyn wedi achosi poen i ti, efallai hoffant ymddiheuro.
Bwlio ydy pan fydd rhywun yn gwneud rhywbeth i ti drosodd a throsodd gan wybod bod hyn yn dy frifo. Edrycha ar erthygl Bwlio Neu Dynnu Coes? Meic i weld os mai bwlio ydy’r hyn sydd yn digwydd i ti.
Mae gen ti hawliau
Mae gan bobl ifanc dros Gymru hawl i beidio cael eu bwlio. Os wyt ti’n profi hyn yna mae yna lawer o bethau gallet ti ei wneud i geisio datrys pethau. Edrycha ar yr erthygl Hawl i Beidio Cael Dy Fwlio ar Meic wrth i ni edrych ar dy hawliau.
Cyngor ac arweiniad
Mae gennym awgrymiadau i ti a dy rieni hefyd yn y fideo 6 Cam i’w Cymryd Os Wyt Ti’n Cael Dy Fwlio isod, neu edrycha ar yr erthygl yma. Y lle gorau i gychwyn ydy wrth siarad gyda rhywun am y peth – rhiant/gwarchodwr, athro neu oedolyn arall gallet ti ymddiried ynddynt. Os wyt ti’n teimlo na fedri di siarad â neb, yna galwa ni yma ar linell cymorth Meic i drafod am y peth. Rydym yma bob dydd rhwng 8yb a hanner nos. 😀
Gobeithiaf fod y wybodaeth yma yn helpu. Os oes unrhyw beth nad wyt ti’n deall, neu os wyt ti eisiau siarad am unrhyw beth mewn mwy o fanylder, yna cysyllta â’n cynghorwyr cyfeillgar a gallwn egluro pethau ymhellach.
Cymera Ofal
Y Tîm Meic
We hope this information helps you, if there’s anything you don’t understand, or if you want to talk about anything in more detail, then get in touch with our friendly helpline advisers and we can explain things further.
Take Care
The Meic Team
Mae Meic yn llinell gymorth, gwybodaeth ac eiriolaeth i blant a phobl ifanc 0 i 25 oed yng Nghymru. Rydym yn agored o 8am i hanner nos, 7 diwrnod yr wythnos.
