{"id":9635,"date":"2026-07-06T16:10:39","date_gmt":"2026-07-06T15:10:39","guid":{"rendered":"https:\/\/meic.cymru\/?p=9635"},"modified":"2026-07-23T15:54:18","modified_gmt":"2026-07-23T14:54:18","slug":"diogelwch-gwyliau","status":"publish","type":"post","link":"https:\/\/meic.cymru\/cy\/2026\/07\/06\/diogelwch-gwyliau\/","title":{"rendered":"Cadw’n Ddiogel Mewn Gwyliau Dros yr Haf"},"content":{"rendered":"\n

Mae’r Haf yn gyfnod llawn gwyliau gwahanol! Dyma gyngor er mwyn cael amser da wrth gadw’n ddiogel a gofalu am dy hun a dy ffrindiau.<\/h2>\n\n\n\n

Pan fydd torfeydd mawr a cherddoriaeth wych o dy amgylch, hawdd yw anghofio am bopeth arall. Mae treulio ychydig o amser yn ystyried dy ddiogelwch<\/a> cyn i ti gyrraedd yn golygu gallet ti ganolbwyntio’n gyfan gwbl ar gael hwyl heb unrhyw straen.<\/p>\n\n\n\n

Y system ‘bydi’<\/h3>\n\n\n\n

Mae gwyliau yn enfawr, yn swnllyd, ac yn brysur iawn fel arfer. Mae’n hawdd colli ffrindiau’n sydyn iawn, a gall signal ff\u00f4n fod yn anobeithiol pan fydd miloedd o bobl yn ceisio defnyddio’u ffonau yn yr un lle ar yr un pryd.<\/p>\n\n\n\n

Mae defnyddio system ‘bydi’ yn ffordd hawdd i sicrhau nad yw neb yn mynd ar goll. Dewisa ffrind fel bod gen ti rywun sydd yn cadw llygaid arnat ti drwy’r adeg. Os oes un ohonoch chi angen mynd i’r toiled neu i n\u00f4l diod, ewch gyda’ch gilydd fel nad oes neb yn crwydro’r cae ar ben eu hunain.<\/p>\n\n\n\n

Mae’n syniad da i ddewis pwynt cyfarfod cyn gynted ag yr wyt ti wedi cyrraedd hefyd. Dewisa rywbeth cofiadwy fydd ddim yn symud, fel stondin fwyd penodol neu faner liwgar. Os yw batri dy ff\u00f4n yn marw neu rydych chi’n cael eich gwahanu, byddwch yn gwybod yn union ble i fynd i weld eich gilydd eto.<\/p>\n\n\n\n

\"Person<\/figure>\n\n\n\n

Eli haul a d\u0175r<\/h3>\n\n\n\n

Mae treulio trwy’r dydd yn dawnsio ac yn cerdded rhwng llwyfannau yn defnyddio llawer iawn o egni. Os yw’r tywydd yn boeth, mae’r haul yn gallu gadael ei farc yn sydyn iawn, hyd yn oed os yw’n teimlo ychydig yn gymylog neu’n wyntog.<\/p>\n\n\n\n

Mae’n syniad da rhoi SPF ffactor uchel ymlaen cyn i ti fentro allan, ac mae’n ddoeth cadw botel fach yn dy fag er mwyn cael rhoi mwy ymlaen yn ystod y dydd. Mae llosgi neu ddioddef o str\u00f4c gwres yn gallu difetha’r \u0175yl gyfan!<\/p>\n\n\n\n

Mae’r un mor bwysig i sicrhau dy fod di’n yfed digon. Mae gan y mwyafrif o wyliau dapiau d\u0175r wedi’u gwasgaru o gwmpas y safle, felly bydd dod \u00e2 photel dd\u0175r i’w ailenwi yn golygu gallet ti yfed d\u0175r yn aml heb orfod gwario ffortiwn ar ddiodydd. Os wyt ti’n dewis yfed alcohol, ceisia newid dy ddiod i dd\u0175r bob yn ail er mwyn cadw balans y corff a chadw’n iach.<\/p>\n\n\n\n

\"Food<\/figure>\n\n\n\n

Pryd o fwyd iawn a gwersyll glan<\/h3>\n\n\n\n

Er pa mor ddeniadol yw byw ar sglodion a snacs am dri diwrnod yn olynol, mae’r corff angen tanwydd iawn i gadw’n iach. Mae methu prydau yn gallu arwain at deimlo’n benysgafn, yn flinedig ac yn s\u00e2l. Ceisia fwyta o leiaf un pryd iawn y dydd er mwyn cadw lefelau egni yn sefydlog.<\/p>\n\n\n\n

Os wyt ti’n gwersylla, y babell yw dy gartref am y cyfnod. Cadwa bethau gwerthfawr, fel ff\u00f4n, arian, goriadau, yng ngwaelod y sach gysgu tra byddi di’n cysgu, yn hytrach na’u gadael yn agos i ddrws y babell.<\/p>\n\n\n\n

Pan fyddi di’n coginio bwyd dy hun mewn gwersyll, sicrha bod unrhyw gig wedi ei goginio drwyddo yn iawn. Dewis doeth hefyd yw cadw botel o hylif diheintio dwylo yn dy boced. Mae defnyddio hwn cyn bwyta ac ar \u00f4l defnyddio toiledau’r \u0175yl yn ffordd syml i osgoi cael stumog ddrwg.<\/p>\n\n\n\n

\"Pint<\/figure>\n\n\n\n

<\/p>\n\n\n\n

Alcohol a chyffuriau<\/h3>\n\n\n\n

Yr opsiwn fwyaf diogel bob tro yw peidio cymryd unrhyw sylweddau anhysbys neu anghyfreithlon. Ond, os wyt ti neu ffrind yn dewis yfed neu gymryd rhywbeth, mae cael gwybodaeth ddibynadwy yn helpu i’ch cadw’n ddiogel.<\/p>\n\n\n\n

Mae’n bwysig cofio bod cario sylweddau anghyfreithlon i dy hun, neu eu cadw i ffrind, yn erbyn y gyfraith a gall arwain at rain yn cael eu cymryd oddi wrthyt ti, cael dy daflu o’r safle, neu ddod \u00e2 heddlu i mewn. Mae cario symiau mwy, neu rannu gyda ffrindiau (hyd yn oed os nad wyt ti’n gwerthu am arian), yn gallu cael ei ystyried fel bwriad i gyflenwi yn llygaid y gyfraith, ac mae hyn yn arwain at ganlyniadau llawer mwy difrifol.<\/p>\n\n\n\n

Paid byth gadael ffrind ar ben ei hun, yn enwedig os ydynt yn ymddangos yn ddryslyd, yn anarferol ddistaw, neu’n s\u00e2l. Gofalwch am eich gilydd, yn enwedig yn y nos neu wrth gerdded rhwng llwyfannau.<\/p>\n\n\n\n

Bydda’n ymwybodol o’r arwyddion rhybudd yma:<\/p>\n\n\n\n