{"id":7888,"date":"2018-09-24T09:00:47","date_gmt":"2018-09-24T08:00:47","guid":{"rendered":"https:\/\/meic.cymru\/2018\/09\/24\/consent-no-means-no\/"},"modified":"2025-11-20T17:43:40","modified_gmt":"2025-11-20T17:43:40","slug":"caniatad-na-yw-na","status":"publish","type":"post","link":"https:\/\/meic.cymru\/cy\/2018\/09\/24\/caniatad-na-yw-na\/","title":{"rendered":"Wythnos Caniat\u00e2d: Na Yw Na"},"content":{"rendered":"

Mae hi’n Wythnos Iechyd Rhywiol 2018 yr wythnos hon a thema’r wythnos eleni ydy Caniat\u00e2d. Yma yn Meic rydym yn rhedeg ymgyrch am yr wythnos yn edrych ar y pwnc. Rydym wedi creu animeiddiadau arbennig, byddem yn edrych ar y pwnc mewn mwy o fanylder gydag erthyglau ac yn rhannu gwybodaeth a dolenni. Felly, dere draw i’n gweld bob dydd, ymwela \u00e2’n sianeli cyfryngau cymdeithasol ar Facebook<\/a>, Twitter<\/a> ac Instagram<\/a>, defnyddia’r hashnod MeicCaniat\u00e2d, a gad sylwad, hoffa a rhanna i helpu lledaenu’r neges.<\/h3>\n

Felly, yn \u00f4l at heddiw…. ‘Na’ yw ‘na’, a dyw absenoldeb ‘na’ ddim yn golygu ‘ia’! Dyma’r neges sy’n cael ei rannu heddiw gyda’n fideo parodi’r Dywysoges Hir Ei Chwsg (Sleeping Beauty). Ein bwriad ydy rhannu neges am ganiat\u00e2d rhywiol.<\/p>\n

\"Sleeping<\/a><\/p>\n

Hanes cryno o’r Dywysoges Hir Ei Chwsg<\/h3>\n

Yn y stori wreiddiol, mae Tywysoges brydferth yn cael ei melltithio i farwolaeth gan dylwyth teg drwg. Bydd yn digwydd ar ei phen-blwydd yn 16 oed wrth iddo bigo ei bys ar droell nyddu. Er nad all y tylwyth teg da stopio’r felltith, gallant ei leihau a’i newid o farwolaeth i drwmgwsg, a dim ond gyda chusan gan Dywysog gellid ei heffro. 100 mlynedd wedyn mae’r Tywysog yn dod o hyd i’w Dywysoges, yn ei heffro gyda chusan cyn priodi a byw’n hapus byth bythoedd.<\/p>\n

Gweld y broblem?<\/h3>\n

Felly dyma ni yn y byd modern a gallem bigo’r stori wreiddiol yma’n ddarnau. Ar \u00f4l cysgu am 100 mlynedd mae’r Dywysoges yn effro i fyd cwbl wahanol. Ar \u00f4l hawlio ei Frenhines, mae’r Tywysog, gyda’i holl arian a’i rym, yn arwain y ferch fregus yn \u00f4l i’w balas – a’r gwely priodasol – i gychwyn bywyd newydd. Os wyt ti’n edrych arno mewn ffordd wahanol mae’n teimlo ychydig mwy sinistr. Ble mae’r ystyriaeth am ei theimladau a’i phenderfyniadau hi?<\/p>\n

A beth am safbwynt y Tywysog? Beth os yw’n rhoi ei hun mewn sefyllfa ble mae’n dioddef bywyd o dristwch ac unigrwydd. Sut wyddai bod y Dywysoges yn ei garu mewn gwirionedd? Efallai nad oes ganddi ddewis arall heblaw am ei gusanu a’i briodi.<\/p>\n