{"id":7859,"date":"2018-09-27T08:00:25","date_gmt":"2018-09-27T07:00:25","guid":{"rendered":"https:\/\/meic.cymru\/2018\/09\/27\/consent-week-life-is-not-a-fairy-tale\/"},"modified":"2025-11-20T17:27:10","modified_gmt":"2025-11-20T17:27:10","slug":"wythnos-caniatad-nid-stori-tylwyth-teg-yw-bywyd","status":"publish","type":"post","link":"https:\/\/meic.cymru\/cy\/2018\/09\/27\/wythnos-caniatad-nid-stori-tylwyth-teg-yw-bywyd\/","title":{"rendered":"Wythnos Caniat\u00e2d: Nid Stori Tylwyth Teg Yw Bywyd"},"content":{"rendered":"

Mae hi’n Wythnos Iechyd Rhywiol 2018 yr wythnos hon a thema’r wythnos eleni ydy Caniat\u00e2d. Yma yn Meic rydym yn rhedeg ymgyrch am yr wythnos yn edrych ar y pwnc. Rydym wedi creu animeiddiadau arbennig, byddem yn edrych ar y pwnc mewn mwy o fanylder gydag erthyglau ac yn rhannu gwybodaeth a dolenni. Felly, dere draw i’n gweld bob dydd, ymwela \u00e2’n sianeli cyfryngau cymdeithasol ar Facebook<\/a>, Twitter<\/a> ac Instagram<\/a>, defnyddia hashnod MeicCaniat\u00e2d, a gad sylwad, hoffa a rhanna i helpu lledaenu’r neges.<\/h3>\n

Mae gennym wledd arall i ti heddiw gyda’n ail animeiddiad Nid Stori Tylwyth Teg Yw Bywyd<\/em>. Yn dilyn ein parodi Y Dywysoges Drwm Ei Chwsg<\/a> dydd Llun, heddiw mae gennym fersiwn wahanol o stori dylwyth teg clasurol, Y Dywysoges a’r Broga, ond nid yw’r diweddglo yn un hapus yn ein chwedl ni.<\/p>\n

\"Still<\/a><\/p>\n

Hanes cryno Y Dywysoges a’r Broga<\/h3>\n

Mae yna sawl amrywiad i’r stori hon, ond un ohonynt ydy bod Tywysoges yn darganfod broga ac yn gorfod rhoi cusan iddo i dorri’r swyn a’i droi’n \u00f4l i Dywysog. Mae’n rhoi cusan iddo ac yn wir, mae’n troi’n Dywysog golygus. Mae’r ddau yn priodi ac yn byw yn hapus byth bythoedd. Diweddglo stori tylwyth teg clasurol… cyfog!<\/p>\n

Ein fersiwn fodern o’r stori<\/h3>\n

Felly dyma ni yn 2018, ac yn sicr nid oes diweddglo hapus i rywun sydd yn cusanu ryw lyffantod diarth! Mae’r prif gymeriad yn Dywysog yn hytrach nag Tywysoges, ac yn rhywun sydd ddim yn rhy hapus bod yna froga yn gorfodi ei hun arno.<\/p>\n

Yn ein fideo mae’r ‘stori dylwyth teg’ yn gorffen ar \u00f4l i’r Tywysog gusanu\u2019r broga, ac mae’r broga yn awgrymu mynd yn \u00f4l i’w bad, yn amlwg ei fod yn awyddus i symud pethau i’r lefel nesaf. Nid oes gan y ‘Tywysog’ ddiddordeb yn symud pethau ymhellach, er ei fod yn hapus i’w gusanu ar y cychwyn. Digon yw digon ac mae’n dweud na. Ond nid yw’r ‘tywysog broga’ yn awyddus iawn i dderbyn na fel ateb.<\/p>\n