{"id":7658,"date":"2020-06-04T20:22:24","date_gmt":"2020-06-04T19:22:24","guid":{"rendered":"https:\/\/meic.cymru\/2020\/06\/04\/how-can-i-distract-myself-from-negative-stuff\/"},"modified":"2025-11-19T11:35:34","modified_gmt":"2025-11-19T11:35:34","slug":"sut-ydw-in-stopio-meddwl-am-bethau-negyddol","status":"publish","type":"post","link":"https:\/\/meic.cymru\/cy\/2020\/06\/04\/sut-ydw-in-stopio-meddwl-am-bethau-negyddol\/","title":{"rendered":"Coda’r Meic: Sut Ydw i\u2019n Stopio Meddwl am Bethau Negyddol?"},"content":{"rendered":"\n

Weithiau mae’r pethau negyddol sydd yn digwydd yn ein bywydau yn ein tynnu i lawr ac mae’n anodd gwybod sut i stopio hyn. Dyma’n union sut roedd Esther yn teimlo pan gysylltodd \u00e2 Coda’r Meic am help. Dyma ein cyngor iddi.<\/h2>\n\n\n\n
\n\n\n\n
<\/div>\n\n\n\n

Grab the Meic was an opportunity to ask us about anything that was worrying you. The advice was not instant and was used to create anonymous blogs for the website to help other young people who were in a similar situation. We no longer offer Grab the Meic. If you want information, advice or advocacy, contact the helpline for support on the details at the bottom of this page.<\/em><\/em><\/p>\n\n\n\n

\n\n\n\n

Helo Meic<\/h2>\n\n\n\n

Mae pethau negyddol wedi bod yn digwydd yn fy mywyd yn ddiweddar a dwi eisiau gwybod sut i anghofio a thynnu sylw oddi wrtho.<\/p>\n\n\n\n

Diolch<\/p>\n\n\n\n

Esther (*enw wedi\u2019i newid i amddiffyn y person)<\/em><\/p>\n\n\n\n

Cyngor Meic<\/h2>\n\n\n\n

Helo Esther<\/p>\n\n\n\n

Diolch i ti am gysylltu gyda Meic. Mae’n ddrwg gen i glywed bod pethau negyddol wedi bod yn digwydd o dy gwmpas yn ddiweddar. Mae’n beth da dy fod di wedi gofyn i Meic am gyngor ar sut i anghofio amdano a thynnu sylw wrth feddwl am bethau gwahanol.<\/p>\n\n\n\n

Beth am feddwl am y pethau rwyt ti’n mwynhau gwneud, pethau sydd yn bosib ei wneud yn ystod cyfyngiadau Covid-19? Gallet ti ysgrifennu rhestr i’w gadw at pan fyddi di’n teimlo’n isel a dewis rhywbeth oddi arno i’w wneud. Os yw meddwl am syniadau yn anodd, yna mae gennym ychydig o awgrymiadau fydd yn gallu tynnu sylw oddi wrth y pethau negyddol a’r hwyliau isel.<\/p>\n\n\n\n

\"headphones<\/figure>\n\n\n\n

Cerddoriaeth i’r galon<\/h3>\n\n\n\n

Mae gwrando, chwarae a dawnsio gyda miwsig yn gallu helpu gyda theimladau isel. Mae cerddoriaeth yn ein cyffwrdd mewn ffyrdd nad allem ei egluro’n iawn – gall fod yn ysbrydol, ymgodol, hwyl, ymlaciol ac egn\u00efol. Beth am greu rhestr o dy hoff diwniau? Dewisa rai fydd yn codi dy galon pan fyddi di’n isel. Cer i wrando ar restr chwarae Spotify Meic<\/a> sydd wedi’i gychwyn yn ddiweddar – rydym yn awyddus i gael pobl ifanc Cymru i ychwanegu eu dewis nhw o gerddoriaeth i’r rhestr – cer draw i’n cyfryngau cymdeithasol i awgrymu tiwniau.<\/p>\n\n\n\n

\"row<\/figure>\n\n\n\n

Creu Campwaith<\/h3>\n\n\n\n

Tynna’r offer celf a chrefft allan. Oeddet ti’n ymwybodol bod celf yn cael ei ddefnyddio fel therapi weithiau? Ac mae rheswm da am hyn. Mae’n ffordd wych i fynegi dy emosiynau, yn enwedig y rhai sydd wedi’u cloi i ffwrdd ers hir. Chwarae gyda chlai, gwneud modelau, arlunio, peintio, creu gludwaith neu fwrdd syniadau, gwn\u00efo, gweu neu dynnu lluniau. Mae llawer o bethau i roi tro arni.<\/p>\n\n\n\n

\"pencil<\/figure>\n\n\n\n

Arllwys y geiriau<\/h3>\n\n\n\n

Gan aros gyda’r thema greadigol, mae ysgrifennu yn ffordd arall wych i fynegi dy deimladau. Gallet ti gadw dyddiadur, ysgrifennu cerdd neu stori fer, neu greu rhestr. Nid oes rhaid dangos yr hyn sydd yn cael ei ysgrifennu i neb, mae nodi rhywbeth i lawr ar bapur yn gallu bod yn rhyddhad ac yn gallu helpu taflu goleuni ar y pethau yn dy fywyd rwyt ti’n awyddus i newid neu wella.<\/p>\n\n\n\n

\"Fairy<\/figure>\n\n\n\n

Lloches mewn llyfr<\/h3>\n\n\n\n

Mae darllen yn ffordd wych i anghofio am y pethau sydd yn dy boeni. Gan ddianc i fyd arall gall y meddyliau negyddol ddiflannu am dipyn a gwneud i ti deimlo’n well. Beth am ail-ddarllen dy hoff lyfrau, neu ddarllen rhai newydd?<\/p>\n\n\n\n

Os wyt ti wedi darllen popeth sydd gen ti adref yna gallet ti lawr lwytho e-lyfrau ar BorrowBox gyda dy gerdyn llyfrgell a’r PIN. Clicia yma<\/a>. Mae posib bydd dy lyfrgell leol yn agor cyn hir hefyd.<\/p>\n\n\n\n

\"Trainer<\/figure>\n\n\n\n

Cadw’r corff yn iach<\/h3>\n\n\n\n

Mae ymarfer y corff yn un o’r gweithgareddau sydd yn gallu cael effaith positif iawn ar dy lesiant corfforol a meddyliol. Os wyt ti wedi rhoi tro ar rywbeth ac wedi’i gas\u00e1u, yna paid rhoi’r ffidl yn y to. Ceisia gyflwyno ychydig o weithgareddau i mewn i dy drefn ddyddiol, dyma syniadau:<\/p>\n\n\n\n