{"id":7250,"date":"2022-12-12T09:00:00","date_gmt":"2022-12-12T09:00:00","guid":{"rendered":"https:\/\/meic.cymru\/?p=7250"},"modified":"2025-11-13T14:25:53","modified_gmt":"2025-11-13T14:25:53","slug":"12-syniad-i-rannu-caredigrwydd-dros-y-nadolig","status":"publish","type":"post","link":"https:\/\/meic.cymru\/cy\/2022\/12\/12\/12-syniad-i-rannu-caredigrwydd-dros-y-nadolig\/","title":{"rendered":"12 Syniad i Rannu Caredigrwydd Dros y Nadolig"},"content":{"rendered":"\n

I lawer ohonom ni mae\u2019r Nadolig yn adeg fendigedig \u2013 y bwyd, yr addurniadau, rhoi anrhegion i\u2019r rheini rydym yn caru a threulio amser gyda theulu. Ond i rai, gall y Nadolig fod yn amser unig, a gall fod yn anodd gweld pawb arall mewn hwyliau da tra\u2019u bod yn dioddef. Dyma ambell i syniad am sut y galli di rannu caredigrwydd a phositifrwydd dros yr \u0175yl.\u00a0<\/h2>\n\n\n\n
\"Helping<\/a><\/figure>\n\n\n\n

1. Gwirfoddoli <\/h3>\n\n\n\n

Edrycha am ffyrdd i roddi dy amser a helpu dy gymuned leol dros y Nadolig. Cyniga helpu yn y banc bwyd lleol, gwna ambell awr mewn siop elusen, neu edrycha am gyfleoedd gwirfoddoli gydag elusennau. Mae digonedd o gyfleodd ledled Cymru, felly ti\u2019n si\u0175r o ddarganfod rhywbeth sy\u2019n agos at dy galon. Defnyddia wefan Gwirfoddoli Cymru<\/a> i chwilio am gyfleoedd.   <\/p>\n\n\n\n

\"Donating<\/a><\/figure>\n\n\n\n

2. Rhoi i eraill<\/h3>\n\n\n\n

Oes gen ti bethau sydd bellach yn ddiangen, fel llyfrau, dillad a theganau? Neu efallai bod gen ti eitemau mwy fel peiriannau coffi neu offerynnau? Beth am eu rhoi i rywun arall? Gallet ti roi i ffrind fyddai\u2019n eu defnyddio, mynd a nhw i siop elusen neu hysbysu nhw am ddim ar gyfryngau cymdeithasol. <\/p>\n\n\n\n

\"child's<\/a><\/figure>\n\n\n\n

3. Edrych ar \u00f4l pobl h\u0177n  <\/h3>\n\n\n\n

Wyt ti\u2019n cofio hysbyseb torcalonnus John Lewis o 2015, The Man On The Moon<\/a>? Gall y Nadolig fod yn amser unig iawn i bobl h\u0177n. Efallai eu bod wedi colli partner, neu gyda theulu sy\u2019n byw yn bell, neu ddim yn gallu treulio\u2019r Nadolig gyda nhw. Cymera ofal o bobl h\u0177n dros y gaeaf drwy alw mewn ar gymdogion i weld sut maen nhw, cynnig helpu gyda\u2019r siopa bwyd neu gynnig clirio\u2019r eira. Gallet ti wirfoddoli i fod yn \u2018ffrind\u2019 dros y ffon i Age Cymru<\/a>. Os oes gen ti aelodau o\u2019r teulu\u2019n byw mewn cartref gofal, trefna i fynd i\u2019w gweld a chadw cwmni iddynt. <\/p>\n\n\n\n

\"Family<\/a><\/figure>\n\n\n\n

4. Bod yn annwyl gyda theulu a ffrindiau  <\/h3>\n\n\n\n

Mae\u2019n hawdd cymryd pobl yn ganiataol, yn enwedig teulu a ffrindiau! Dweud wrth y bobl yn dy fywyd dy fod di\u2019n gwerthfawrogi nhw! Rho flodau i rywun i ddweud diolch am bopeth. Lleddfa straen diwrnod \u2018Dolig drwy helpu gyda\u2019r Cinio Nadolig. Dweud wrth dy ffrindiau sut maent wedi gwneud i ti chwerthin dros y flwyddyn. Ysgrifennu cardiau i dy frodyr a chwiorydd i ddangos gwerthfawrogiad.   <\/p>\n\n\n\n

\"Starting<\/a><\/figure>\n\n\n\n

5. Gofyn am roddion <\/h3>\n\n\n\n

Os ydi rhywun yn gofyn beth hoffet ti fel anrheg Nadolig, a dwyt ti ddim angen dim, yna gallet ti ofyn iddynt i wneud rhodd i elusen rwyt ti\u2019n ei gefnogi yn lle hynny. Gallet ti hefyd osod sialens i dy hun  yn lle gwneud adduned flwyddyn newydd. Beth am gofrestru i wneud her wedi ei noddi neu drefnu digwyddiad i godi arian? <\/p>\n\n\n\n

\"Two<\/a><\/figure>\n\n\n\n

6. Bod yn garedig i bobl ddigartref  <\/h3>\n\n\n\n

Mae\u2019r gaeaf yn arbennig o anodd i\u2019r bobl heb do dros eu pen. Ystyria wirfoddoli mewn cegin gawl, gwneud rhodd i loches ddigartrefedd neu helpu i ddosbarthu blancedi a dillad cynnes i bobl ddigartref. Gallet ti brynu bwyd neu ddiod gynnes iddynt \u2013 maen nhw\u2019n bobl fel ti a fi ac maent yn haeddu caredigrwydd a pharch. <\/p>\n\n\n\n

\"kid<\/a><\/figure>\n\n\n\n

7. Bod yn annwyl i bobl ddiarth  <\/h3>\n\n\n\n

Mae danogs caredigrwydd yn gallu bod yn bwysig iawn o ddydd i ddydd \u2013  nid tuag at ffrindiau, teulu a chyd-weithwyr yn unig, ond i bobl ddiarth hefyd. Mae dal y drws yn agored i rywun, dymuno diwrnod da, dweud diolch i\u2019r gyrrwr bws, neu gynnig gair caredig, yn bethau bach, ond y pethau bychain sydd yn gallu gwneud y gwahaniaeth mwyaf. Mae\u2019n amhosib gwybod beth sydd yn digwydd ym mywydau pobl ac efallai bydd un weithred garedig yn gwneud gwahaniaeth mawr i ddiwrnod rhywun. <\/p>\n\n\n\n

\"curly-haired<\/a><\/figure>\n\n\n\n

8. Dweud diolch <\/h3>\n\n\n\n

Oes gen ti athro\/athrawes, ffrind neu aelod o\u2019r teulu sydd wedi gwneud gwahaniaeth yn dy fywyd dros y flwyddyn ddiwethaf? Neu oes unrhyw weithwyr allweddol yn dy deulu neu dy gymuned sydd yn gorfod gweithio dros ddiwrnod \u2018Dolig? Beth am ysgrifennu nodyn diolch i ddweud dy fod yn meddwl amdanyn nhw \u2013 gall feddwl lot i rywun fod eu hymdrechion yn cael eu gwerthfawrogi! <\/p>\n\n\n\n

\"Robin<\/a><\/figure>\n\n\n\n

9. Gofalu am y ddaear <\/h3>\n\n\n\n

Bydd yn garedig i natur yn ogystal \u00e2 phobl y gaeaf hwn. Gall y gaeaf fod yn gyfnod anodd i adar a mamaliaid bach, ac weithiau mae\u2019r sefyllfa wedi ei waethygu gan newid hinsawdd.  Gallet ti adael bwyd tu allan, gosod bocsys nythu yn barod at y gwanwyn, neu adeiladu gwesty i fywyd gwyllt<\/a> yn yr ardd fel lloches i bryfaid, brogaod a hyd yn oed draenogod.    <\/p>\n\n\n\n

Os wyt ti\u2019n bwriadu prynu addurniadau, beth am brynu rhai ecogyfeillgar, neu  greu addurniadau dy hun hyd yn oed? Gallet ti drefnu diwrnod crefft gyda theulu neu ffrindiau i greu addurniadau ar gyfer y t\u0177 a\u2019i addurno gyda\u2019ch gilydd. Gallet ti hyd yn oed creu anrhegion ecogyfeillgar dy hun. <\/p>\n\n\n\n

\"Dog<\/a><\/figure>\n\n\n\n

10. Bod yn garedig i anifeiliaid\u00a0\u00a0\u00a0<\/h3>\n\n\n\n

Wyt ti\u2019n caru anifeiliaid? Oes \u2018na loches anifeiliaid yn dy ardal leol? Beth am eu cefnogi dros y gaeaf? Yn ogystal \u00e2 gwirfoddoli a rhoddi arian, gallet ti gefnogi wrth rannu eu hachos ar gyfryngau cymdeithasol. Gallet ti hefyd roi anrhegion fel blancedi, teganau a danteithion \u2013 edrycha i weld os oes gan dy loches leol restr o bethau maent eu hangen. Os oes gen ti le, amser ac egni, gallet ti gymryd anifail i mewn dros dro neu fabwysiadu hyd yn oed. Os wyt ti\u2019n gwneud hynny, sicrha dy fod di\u2019n deall yr ymrwymiad gyntaf. <\/p>\n\n\n\n

\"A<\/a><\/figure>\n\n\n\n

11. Rhannu llawenydd gyda\u2019r gymuned  <\/h3>\n\n\n\n

Rhanna\u2019r hwyliau da yn nes at adref wrth fod yn annwyl gyda chymdogion a dy gymuned. Hola dy gymdogion sut maent yn teimlo. Os wyt ti\u2019n hoffi coginio, gallet ti drefnu sesiwn pobi gyda theulu neu ffrindiau i rannu gyda chymdogion, neu drefnu digwyddiad i godi arian at elusen leol. Gallet ti hefyd chwilio am fentrau cymdeithasol sy\u2019n trefnu digwyddiadau fel garddio neu lanhau sbwriel i wella\u2019r ardal leol i\u2019r gymuned gyfan. <\/p>\n\n\n\n

\"Blood<\/a><\/figure>\n\n\n\n

12. Caredigrwydd ar hap  <\/h3>\n\n\n\n

Yn olaf, paid \u00e2 meddwl gormod am y peth! Mae cyfleoedd diddiwedd i fod yn garedig, ond dyma ambell syniad caredigrwydd ar hap i roi ysbrydoliaeth iti: <\/p>\n\n\n\n