{"id":6981,"date":"2023-06-05T07:15:17","date_gmt":"2023-06-05T06:15:17","guid":{"rendered":"https:\/\/meic.cymru\/2023\/06\/05\/teen-to-parent-teenage-pregnancy-guide\/"},"modified":"2025-11-12T15:17:41","modified_gmt":"2025-11-12T15:17:41","slug":"canllaw-beichiogrwydd-yn-dy-arddegau","status":"publish","type":"post","link":"https:\/\/meic.cymru\/cy\/2023\/06\/05\/canllaw-beichiogrwydd-yn-dy-arddegau\/","title":{"rendered":"O Blentyn i Riant – Canllaw Beichiogrwydd yn Dy Arddegau"},"content":{"rendered":"\n
<\/div>\n\n\n\n

Un o’r canlyniadau o gael rhyw heb amddiffyniad yw beichiogrwydd (yn ogystal \u00e2 STIs). Efallai bod hyn yn fwriadol, yn gamgymeriad, neu bod dull atal cenhedlu wedi ffaelu. Os wyt ti’n meddwl gallet ti fod yn disgwyl babi, darllena’r blog yma am wybodaeth ar brofi, atal cenhedlu brys, dy ddewisiadau, cadw’r babi, a’r help sydd ar gael.<\/h3>\n\n\n\n
\n

RHYBUDD: Oherwydd natur y pwnc, efallai bydd y cynnwys yn y blog yma yn anaddas i rai o’n darllenwyr iau<\/em>.<\/em><\/p>\n\n\n\n

<\/div>\n\n\n\n

Mae’r blog yma yn rhan o’r ymgyrch Dim Cywilydd Dim Cyfrinachau – Iechyd a Lles Rhyw, ble edrychwn ar sawl elfen o gadw dy hun yn iach ac yn ddiogel o ran rhyw. Mae dolenni i holl flogiau’r ymgyrch yma<\/a>, a dilyna ein sianeli cyfryngau cymdeithasol (gweler gwaelod y blog) i wylio ychydig o fideos hwyl.<\/em><\/em><\/p>\n<\/blockquote>\n\n\n\n

Sut i wybod os wyt ti’n disgwyl babi<\/h3>\n\n\n\n

Nid yw’n bosib cael yn feichiog trwy gusanu, cyffwrdd na chael rhyw geneuol (y geg). Mae’n rhaid i semen gael i mewn i’r fagina er mwyn i ti fod yn feichiog. I ddarganfod mwy am y cylch misol a sut mae beichiogrwydd yn digwydd, cer yma.<\/a><\/p>\n\n\n\n

Mae methu mislif yn gallu bod yn arwydd o feichiogrwydd, ond mae rhesymau eraill dros fislif afreolaidd hefyd. Os yw dy fislif yn hwyr ond dwyt ti heb gael rhyw fagina, yna nid yw’n bosib bod yn feichiog. Weithiau mae pobl yn parhau i waedu tra maent yn feichiog.<\/p>\n\n\n\n

Yr unig ffordd i fod yn sicr ydy gwneud prawf beichiogrwydd. Mae pecynnau profi gartref ar gael yn y mwyafrif o archfarchnadoedd neu fferyllfeydd, ond fe allet ti gael prawf am ddim o’r clinig iechyd rhyw leol neu’r doctor. Fel arfer mae angen pipi ar ffon. Os yw’r prawf yn bositif, ac rwyt ti wedi dilyn y cyfarwyddiadau yn iawn, yna mae’n eithaf sicr dy fod di’n disgwyl gan eu bod mor gywir. Ond gall canlyniadau negyddol fod yn anghywir weithiau. Fel arfer mae dau brawf mewn pecyn, felly gwna’r ail brawf os wyt ti dal i feddwl gallet ti fod di\u2019n feichiog. Os yw’n dal i fod yn negyddol, a dyw dy fislif dal heb gychwyn, yna gwna apwyntiad gyda’r doctor.<\/p>\n\n\n\n

\"Sperm<\/a><\/figure>\n\n\n\n
<\/div>\n\n\n\n

Beth sy’n digwydd os ydw i wedi cael rhyw heb amddiffyniad?<\/h3>\n\n\n\n

Paid croesi dy fysedd a gobeithio na fyddi di’n disgwyl babi. Mae yna opsiynau atal cenhedlu brys.<\/a><\/p>\n\n\n\n

Y bilsen atal cenhedlu brys<\/h4>\n\n\n\n

Neu’r bilsen fore wedyn (er mae gen ti ychydig mwy o amser i’w gymryd). Gellir cymryd hwn o fewn 3 i 5 diwrnod o gael rhyw heb amddiffyniad, ond gorau po gyntaf – paid disgwyl. Os wyt ti’n taflyd i fyny o fewn ychydig oriau o gymryd y bilsen, bydd rhaid dychwelyd a’i gymryd eto. Mae posib cael hwn am ddim (hyd yn oed os wyt ti dan 16) mewn clinigau iechyd rhywiol (GUM) neu unedau anafiadau m\u00e2n, neu mewn rhai meddygfeydd, clinigau pobl ifanc, fferyllfeydd, neu A&E. Os wyt ti dros 16 oed, mae posib prynu yn y mwyafrif o fferyllfeydd.<\/p>\n\n\n\n

Dyfais Fewngroth (IUD)<\/h4>\n\n\n\n

Gellir dewis cael ffitio IUD fel atal cenhedlu brys o fewn 5 diwrnod o gael rhyw heb amddiffyniad. Mae hwn yn ddyfais blastig a chopr sydd yn cael ei osod yn y groth. Mae posib cadw hwn i mewn wedyn a’i ddefnyddio fel dy ddull atal cenhedlu arferol. Cofia – tra gall atal beichiogrwydd, condom yw’r unig ffordd i amddiffyn rhag STI.<\/p>\n\n\n\n

Efallai mai dyma’r amser perffaith i edrych ar dy opsiynau atal cenhedlu. Cer draw i’n blog Dulliau Atal Cenhedlu yma.<\/a><\/p>\n\n\n\n

Os wyt ti wedi cael rhyw heb gondom gyda rhywun sydd ddim yn bartner rheolaidd, yna byddai’n syniad da i gael prawf STI hefyd. Gwybodaeth bellach am hyn yn ein blog Canllaw Coslyd STIs a Phrofi.<\/a><\/p>\n\n\n\n

Dweud wrth rywun gallet ti ymddiried ynddynt<\/h3>\n\n\n\n

Os wyt ti’n feichiog, yna mae gen ti benderfyniadau mawr i’w gwneud. Mae’n gallu bod yn anodd meddwl am yr opsiynau ar ben dy hun, ac rydym yn argymell i ti chwilio am gymorth i’w trafod. Dewis rhywun gallet ti ymddiried ynddynt, fel dy bartner, ffrind, aelod o’r teulu, athro, gweithiwr cymdeithasol neu ddoctor. Os wyt ti’n teimlo na fedri di siarad \u00e2 neb, yna mae Meic yma i wrando a chynnig cyngor a gwybodaeth er mwyn i ti wneud penderfyniad gwybodus am dy ddyfodol.<\/p>\n\n\n\n

Siarad am dy deimladau. Paid poeni am ddweud y peth anghywir. Mae’n iawn teimlo’n ofn, pryder neu gyffro. Mae’n bwysig mai ti sydd yn gwneud unrhyw benderfyniad, ni ddylai neb orfodi ti i wneud rhywbeth nad wyt ti eisiau.<\/p>\n\n\n\n

\"Pregnancy<\/a><\/figure>\n\n\n\n
<\/div>\n\n\n\n

Dy ddewisiadau<\/h3>\n\n\n\n

Dy gorff di ydyw a dy ddewis di ydy beth sy’n digwydd nesaf.<\/p>\n\n\n\n

Mae gen ti dri opsiwn:<\/p>\n\n\n\n