{"id":6937,"date":"2023-06-09T09:35:00","date_gmt":"2023-06-09T08:35:00","guid":{"rendered":"https:\/\/meic.cymru\/2023\/06\/09\/overcoming-body-insecurities-when-being-intimate\/"},"modified":"2025-11-12T12:50:35","modified_gmt":"2025-11-12T12:50:35","slug":"swildod-delwedd-y-corff-mewn-perthynas","status":"publish","type":"post","link":"https:\/\/meic.cymru\/cy\/2023\/06\/09\/swildod-delwedd-y-corff-mewn-perthynas\/","title":{"rendered":"Swildod Delwedd y Corff Mewn Perthynas"},"content":{"rendered":"\n
<\/div>\n\n\n\n

Mae bod yn agos at rywun yn rhywiol ac yn gorfforol yn rhan naturiol o fod yn aeddfed. Ond weithiau, mae bod yn agos at rywun yn gallu gwneud i lawer o bobl deimlo’n ansicr am eu corff. Mae hyn yn waeth os wyt ti’n cymharu dy hun i’r hyn rwyt ti’n meddwl sy’n ddeniadol i bobl eraill.<\/h3>\n\n\n\n
\n

RHYBUDD: Oherwydd natur y pwnc, efallai bydd y cynnwys yn y blog yma yn anaddas i rai o’n darllenwyr iau.<\/em><\/em><\/p>\n\n\n\n

<\/div>\n\n\n\n

Mae’r blog yma yn rhan o’r ymgyrch Dim Cywilydd Dim Cyfrinachau – Iechyd a Lles Rhyw, ble edrychwn ar sawl elfen o gadw dy hun yn iach ac yn ddiogel o ran rhyw. Mae dolenni i holl flogiau’r ymgyrch yma<\/a>, a dilyna ein sianeli cyfryngau cymdeithasol (gweler gwaelod y blog) i wylio ychydig o fideos hwyl.<\/em><\/em><\/p>\n<\/blockquote>\n\n\n\n

Bai’r cyfryngau<\/h3>\n\n\n\n

Mae’r syniad o gorff perffaith yn aml yn cael ei siapio gan yr hyn rydym yn ei weld ar y teledu, ffilmiau, hysbysebion, cyfryngau cymdeithasol, a porn hefyd. Yn aml mae’r bobl ‘prydferth’ yma yn cael eu dewis oherwydd y ffordd maent yn edrych. Ond, nid yw hyn yn bortread realistig o harddwch.<\/p>\n\n\n\n

Mae technoleg fel hidlydd (filter) a Photoshop yn gallu rhoi edrychiad penodol i bobl. Mae’n normal bellach i weld delweddau a fideos wedi eu haltro. Os wyt ti’n cymharu dy hun i hyn mae’n gallu gwneud i ti i deimlo’n ddrwg.<\/p>\n\n\n\n

Gall hefyd wneud i bobl feddwl bod rhaid iddynt ymddwyn mewn ffordd benodol i fod yn ddeniadol. Fel bod yn ddi-flew dan y gesail, coesau a blew cedor (pubic hair). Mae rhai merched yn gwneud hyn i’w hunain, ac eraill yn gwneud am eu bod yn teimlo y dylen nhw.<\/p>\n\n\n\n

Mae safonau harddwch yn newid ac yn wahanol i ddiwylliannau amrywiol dros y byd. Ceisia beidio cymharu dy hun i’r person ‘perffaith’ rwyt ti’n gweld ar y cyfryngau cymdeithasol.<\/p>\n\n\n\n

\"Pink<\/a><\/figure>\n\n\n\n
<\/div>\n\n\n\n

Ydy dy genitalia yn normal?<\/h3>\n\n\n\n

Beth yw normal? Nid yw pobl yn tueddu siarad am edrychiad genitalia eu hunain. Mae’r mwyafrif yn cael syniad o sut mae’r fagina neu bidyn i fod i edrych o luniau a porn<\/a>.<\/p>\n\n\n\n

Nid oes normal! Mae gen ti faginas gyda gwefusau bach, rhai efo gwefusau mawr, ac yn amrywio mewn lliw o olau i dywyll. Mae maint y pidyn yn amrywio lot. Nid yw’r rhai enfawr sydd i’w gweld mewn porn yn cynrychioli pidyn arferol! Gallant fod yn dew neu’n denau ac efallai bod plyg ynddi.<\/p>\n\n\n\n

Mae gan rai pobl flew cedor (pubic hair). Mae rhai yn dewis ei drimio. Eraill yn penderfynu cael gwared yn gyfan gwbl. Dewis personol yw hwn.<\/p>\n\n\n\n

Y gwir ydy, nid oes normal, felly paid teimlo dy fod di’n od am nad wyt ti’n edrych yr un peth \u00e2’r genitalia perffaith sydd ar y rhyngrwyd neu mewn porn.<\/p>\n\n\n\n

Cer i weld cyngor Dr Ranj Singh yn ‘Is my vagina normal’<\/a> neu ‘What does a normal penis look like’<\/a> ar wefan The Mix.<\/p>\n\n\n\n

Poeni am amherffeithrwydd y corff<\/h3>\n\n\n\n

Mae perffeithiaeth yn chwedl. Nid yw’n bodoli mewn gwirionedd. Nid oes neb yn ‘berffaith’, hyd yn oed y rhai sy’n edrych yn ‘berffaith’ yn y cyfryngau.<\/p>\n\n\n\n

Mae pawb yn unigryw, ac nid oes neb yr un peth yn union (nid efeilliaid hyd yn oed). Mae\u2019n dda bod yr un pethau ddim at ddant pawb. Efallai nad yw’r hyn sydd yn ddeniadol i un person yn ddeniadol i rywun arall. Mae person ‘perffaith’ pawb yn edrych yn wahanol.<\/p>\n\n\n\n

Wrth edrych ar ein hunain a beirniadu’r holl bethau byddem yn newid am ein cyrff, rydym yn cymharu ein hunain i’r syniadau yma o berffeithrwydd sydd ddim yn wir. Efallai dy fod di eisiau bwlch rhwng y cluniau, breichiau teneuach, pen \u00f4l mwy, llai o frychni haul, dim creithiau, llai o sbotiau, ond dyma’r pethau sydd yn gwneud ni’n ni.<\/p>\n\n\n\n

Ceisia dderbyn amrywiaeth dy gorff a heria unrhyw ddisgwyliadau afrealistig o ‘harddwch.<\/p>\n\n\n\n

\n