{"id":6800,"date":"2024-01-29T15:14:56","date_gmt":"2024-01-29T15:14:56","guid":{"rendered":"https:\/\/meic.cymru\/2024\/01\/29\/sextortion-and-revenge-porn\/"},"modified":"2025-12-16T09:16:42","modified_gmt":"2025-12-16T09:16:42","slug":"blacmel-rhywiol-a-phorn-dial","status":"publish","type":"post","link":"https:\/\/meic.cymru\/cy\/2024\/01\/29\/blacmel-rhywiol-a-phorn-dial\/","title":{"rendered":"Blacmel Rhywiol a Phorn Dial – Beth os yw’n Digwydd i Ti"},"content":{"rendered":"\n

Mae nifer ohonom yn hoff o sut mae technoleg yn gallu helpu ni i wneud cysylltiadau. Gall fod yn hwyl, ond dylid bod yn ymwybodol o’r peryglon hefyd, er mwyn i ti fedru amddiffyn a deall beth i wneud os yw rhywbeth yn mynd o’i le. Felly, gad i ni siarad am Flacmel Rhywiol a Phorn Dial a sut i gadw’n ddiogel mewn byd digidol.<\/h3>\n\n\n\n
<\/div>\n\n\n\n
<\/div>\n\n\n\n

Beth yw Blacmel Rhywiol?<\/h3>\n\n\n\n

Blacmel rhywiol (neu Sextortion) ydy pan fydd rhywun yn ecsbloetio lluniau neu fideos noeth, cignoeth neu sensitif ohonot ti fel ffordd i orfodi ti i yrru mwy o luniau neu arian. Efallai byddant yn bygwth rhannu’r delweddau yma gyda theulu neu ffrindiau os nad wyt ti’n gwneud fel y maent yn gofyn. Blacmel yw hyn.<\/p>\n\n\n\n

Efallai byddant yn dy dwyllo di a dy ddenu di i mewn wrth smalio bod yn rhywun arall neu ‘grwmio<\/a>‘ ti i wneud fel y dymunant. Efallai dy fod di’n meddwl dy fod di’n cael perthynas \u00e2’r person yma ac yn gyrru delweddau iddynt gan feddwl y byddant yn eu cadw’n breifat.<\/p>\n\n\n\n

\"\"<\/a><\/figure>\n\n\n\n
<\/div>\n\n\n\n

Beth yw Porn Dial<\/h3>\n\n\n\n

Porn Dial yw pan fydd rhywun yn rhannu lluniau neu fideos rhywiol preifat ohonot ti heb dy ganiat\u00e2d ar \u00f4l i berthynas ddod i ben. Gall y rhain gael eu rhannu ar-lein, ar neges testun, e-bost, neu wrth ddangos i rywun wyneb i wyneb.<\/p>\n\n\n\n

Mae blacmel rhywiol a phorn dial yn erbyn y gyfraith ac yn gallu cael effaith enfawr ar fywyd rhywun. Gall achosi pryder ac iselder, ac mae’n gallu arwain at bobl yn niweidio eu hunain neu’n waeth.<\/p>\n\n\n\n

\"\"<\/a><\/figure>\n\n\n\n
<\/div>\n\n\n\n

Sut i amddiffyn dy hun<\/h3>\n\n\n\n

1. Bydda’n glyfar ar-lein <\/strong>– bydda’n ofalus am ychwanegu pobl ddiarth. Nid yw pawb yn onest am bwy ydynt. Cer i weld cyngor Meic ar aros yn ddiogel ar dy ddyfeisiau ar-lein, gan gynnwys ychwanegu pobl, rhannu gwybodaeth, gosodiadau diogelwch ayb.<\/p>\n\n\n\n

2. Gwranda ar dy reddf<\/strong> – nid oes rhaid i ti wneud rhywbeth am fod rhywun yn gofyn. Paid gwneud dim sydd yn gwneud i ti deimlo’n anghyfforddus. Os yw rhywun yn dy fygwth neu’n rhoi pwysau arnat ti, dweud wrth rywun.<\/p>\n\n\n\n

3. Cadwa dystiolaeth <\/strong>– cymera sgrinluniau o negeseuon neu luniau a chadw record. Bydd hyn yn helpu’r heddlu gydag unrhyw gamau cyfreithiol.<\/p>\n\n\n\n

4. Blocia ac adrodd <\/strong>– stopia siarad \u00e2 nhw, blocia ac adrodd. Paid gadael iddynt dy boeni rhagor.<\/p>\n\n\n\n

5. Gofyn am help<\/strong> – efallai byddi di’n teimlo embaras neu’n ofni, ond mae angen i ti ddweud wrth rywun fel y gallan nhw helpu. Mae dweud wrth rywun yn gynnar yn gallu stopio pethau rhag gwaethygu. Ffonia’r heddlu<\/a> ar 101 neu adrodd i CEOP<\/a>. Adrodd i’r Llinell Gymorth Porn Dial<\/a> os wyt ti dros 18 neu ymwela \u00e2 Report Remove<\/a> gan Childline os wyt ti dan 18. Byddant yn helpu pobl ifanc i adrodd y delweddau a’r fideos ac yn helpu i dynnu’r rhain o’r we. Os wyt ti angen cymorth i ddweud wrth rywun bod hyn yn digwydd i ti gall Meic helpu. Rydym yn llinell gymorth gyfrinachol a dienw i blant a phobl ifanc Cymru.<\/p>\n\n\n\n

\"\"<\/a><\/figure>\n\n\n\n
<\/div>\n\n\n\n

Dolenni defnyddiol:<\/h3>\n\n\n\n