{"id":6473,"date":"2022-08-08T08:00:00","date_gmt":"2022-08-08T07:00:00","guid":{"rendered":"https:\/\/meic.cymru\/2022\/08\/08\/grab-the-meic-how-do-i-help-a-friend-with-an-eating-disorder\/"},"modified":"2025-11-05T14:38:46","modified_gmt":"2025-11-05T14:38:46","slug":"codar-meic-sut-i-helpu-ffrind-gydag-anhwylder-bwyta","status":"publish","type":"post","link":"https:\/\/meic.cymru\/cy\/2022\/08\/08\/codar-meic-sut-i-helpu-ffrind-gydag-anhwylder-bwyta\/","title":{"rendered":"Coda’r Meic – Sut i Helpu Ffrind Gydag Anhwylder Bwyta?"},"content":{"rendered":"\n

Mae Suzie yn poeni am ei ffrind a’i harferion bwyta ac yn awyddus i ddeall y ffordd gorau i’w chefnogi gan osgoi gwneud rhywbeth gall waethygu’r sefyllfa. Cysylltodd \u00e2 Coda’r Meic am gyngor.<\/h2>\n\n\n\n
\n

Roedd Coda’r Meic yn gyfle i ofyn cyngor am unrhyw oedd yn dy boeni. Nid oedd y cyngor yn dod yn syth ac roedd yn cael ei ddefnyddio i greu blogiau dienw ar gyfer y wefan i helpu pobl ifanc eraill oedd yn mynd trwy brofiad tebyg. Nid ydym yn cynnig Coda’r Meic bellach. Os wyt ti angen gwybodaeth cyngor neu eiriolaeth, cysyllta \u00e2\u2019r llinell gymorth am gefnogaeth ar y manylion ar waelod y dudalen.<\/em><\/em><\/em><\/p>\n<\/blockquote>\n\n\n\n

Helo Meic<\/h2>\n\n\n\n

Mae fy ffrind gydag anhwylder bwyta. Doeddwn i ddim isio gwneud iddi deimlo’n anghyfforddus felly gofynnais pa un oedd ganddi. Atebodd nad oedd enw ar un hi. Weithiau nid yw’n bwyta, diwrnodau eraill dim ond sothach mae’n bwyta, ac yna weithiau mae’n bwyta’n normal. Ond weithiau gall fynd wythnosau heb fwyta llawer, ac mae hyn yn fy mhoeni.<\/p>\n\n\n\n

Dwi’n gwybod gall fod yn ddrwg i wneud i rywun fwyta os oes ganddynt anhwylder bwyta. Ond dwi’n poeni cymaint weithiau dwi’n ceisio gwneud iddi fwyta. Dwi’n prynu siocled neu rywbeth bach mae hi’n hoffi ac yn dweud wrthi os ydy hi eisiau neu angen rhywbeth i fwyta yna mae o yna iddi. Weithiau dyw hi ddim yn ei fwyta a dwi’n poeni’n ofnadwy am hyn. Dwi ddim yn gwybod os ydw i\u2019n gallu helpu mewn unrhyw ffordd.<\/p>\n\n\n\n

Oes unrhyw beth fedra i wneud i helpu heb wneud y sefyllfa’n waeth iddi?<\/p>\n\n\n\n

Suzie*<\/p>\n\n\n\n

(*enw wedi\u2019i newid i\u2019w hamddiffyn)<\/em><\/p>\n\n\n\n

Cyngor Meic<\/h2>\n\n\n\n

Helo Suzie,<\/p>\n\n\n\n

Diolch am gysylltu \u00e2 Meic a rhannu dy bryderon. Mae’n naturiol i boeni gan y gall anhwylderau bwyta arwain at salwch difrifol os nad yw’n cael ei drin. Gall gael effaith mawr ar ansawdd bywyd rhywun, ac mae’n  gallu cael effaith ar ffrindiau a theulu hefyd wrth iddynt geisio helpu eu hanwyliaid.<\/p>\n\n\n\n

Mae dros filiwn o bobl yn dioddef o anhwylder bwyta yn y DU*.<\/p>\n\n\n\n

(*ffynhonnell: Beat<\/a>)<\/em><\/p>\n\n\n\n

\"Human<\/a><\/figure>\n\n\n\n

Penderfynu sut i helpu<\/h3>\n\n\n\n

Mae’n swnio fel dy fod di’n awyddus iawn i gefnogi dy ffrind yn y ffordd gorau gallet ti, ac eisiau deall y ffordd orau i wneud hyn. Rwyt ti wedi dweud dy fod di’n gwybod bod ceisio gwneud i rywun fwyta sydd ag anhwylder bwyta ddim yn syniad da. Ond, rwyt ti’n poeni cymaint am dy ffrind fel dy fod di’n prynu bwyd iddi weithiau ac yn ei hannog i’w fwyta. Mae’r bwriad yn un caredig, ond rwyt ti’n gywir wrth ddweud nad yw’n syniad da i roi pwysau ar rywun sydd ag anhwylder bwyta i fwyta (neu i stopio bwyta os mai dyma yw eu problem nhw). Gall hyn waethygu’r sefyllfa, a chael effaith negyddol ar eu perthynas gyda bwyd, a gyda thi fel ffrind.<\/p>\n\n\n\n

Efallai dy fod di’n poeni ac yn teimlo’n anobeithiol wrth weld person rwyt ti’n ei garu’n cael perthynas mor heriol gyda bwyd. Y ffordd orau i’w cefnogi ydy rhoi’r gofod iddynt i wneud penderfyniadau eu hunain.<\/p>\n\n\n\n

\"Vector<\/a><\/figure>\n\n\n\n

Pryderon iechyd gydag anhwylderau bwyta<\/h3>\n\n\n\n

Mae anhwylderau bwyta yn gallu bod yn ddifrifol iawn i iechyd rhywun os nad yw’n cael ei drin. Gall fod yn farwol yn yr achosion mwyaf difrifol. Mae pawb sydd ag anhwylder bwyta yn wahanol, ond bydda’n ymwybodol o’r arwyddion yma:<\/p>\n\n\n\n